ஜன 19,20 & ஜன 29,30 கனமழை

0
16.1.2025 - 4.30AM ந. செல்வகுமார் வானிலை ஆய்வறிக்கை  தொகுப்பு:

அதிகாரப்பூர்வ வானிலை அறிக்கைக்கு இந்திய வானிலை ஆராய்ச்சித்துறை  அறிக்கையை பார்க்கவும்.*

அடுத்தடுத்த நிகழ்வுகள் 

பசிபிக் பெருங்கடலில் இருந்து தென் சீனக்கடல் தாய்லாந்து வளைகுடா வழியாக அதாவது மலேசியா சிங்கப்பூர் வழியாக சுமத்ராதீவு பகுதிக்கு அடுத்தடுத்த காற்று சுழற்சிகள் வந்து தொடர்ந்து மேற்கு வட மேற்கு நோக்கி நகர்ந்து இலங்கையின் கிழக்கு தென்கிழக்கு பகுதிகள் அடைந்து பிறகு இலங்கையின் தென்கிழக்கு முனை தெற்கு பகுதி வழியாக குமரிக்கடலின் தெற்கு பகுதி மாலத்தீவு கடற்பகுதிக்கு  அடுத்தடுத்து நிகழ்வுகள் வரும் என்பதால் தமிழ்நாட்டில் வடகிழக்கு பருவமழையின் தொடர்ச்சியாக குளிர்கால வடகிழக்கு பருவமழை தொடர்கிறது. மழைப்பொழிவு ஒதுக்கி ஒதுக்கி ஆங்காங்கே பொழிந்தாலும் அறுவடைக்கு இடையூறு கொடுக்கக்கூடிய வகையிலும் தானியங்களை உலர்த்துதலுக்கு தெளிவற்ற வானிலையும் நிலவும் .
இப்படி தெளிவற்ற வானிலை குளிர் மேகமூட்ட வானிலை இருந்தாலும் அறுவடைக்கு மழை இல்லாத நாட்களும் இடையிடையே கிடைக்கும்.

அதன்படி ஜனவரி 16 தென் மாவட்டங்களின் ஒரு சில இடங்களில் லேசான மழை இருக்கும் . பிற மாவட்டங்களில் ஒரு சில இடங்களில் தூறல் விழலாம் தவிர மழைக்கு வாய்ப்பு குறைவு.ஜனவரி 16 வட மாவட்டங்கள் டெல்டா மாவட்டங்கள் மத்திய உள் மாவட்டங்கள் ஆகிய பகுதிகளுக்கு மழை இல்லா இடைவெளி நாளாக அமையும்.


அறுவடைக்கு மழை இடைவெளி: 

ஜனவரி 17 முழு நாளும் ஜனவரி 18 முற்பகல் மட்டும் மழை இல்லா நாளாக அறுவடைக்கு இடைவெளி வாய்ப்புள்ளது. இடைவெளியை பயன்படுத்தி திட்டமிட்டு அறுவடை செய்திடுக. 
அடுத்த மழை நாள்கள்: 
ஜனவரி 18 மாலை டெல்டா மாவட்ட கடலோரம் மழை தொடங்கும்
ஜனவரி 19 20 இரண்டு நாட்களும் விட்டுவிட்டு மிதமானது முதல் சற்று கனமழை வரை பரவலாக தெரிகிறது. இந்த மழை கர்நாடகா ஆந்திர எல்லையோரம் வரை எட்டிப் பிடித்து லேசான மிதமான மழைப்பொழிவை ஆங்காங்கே ஆங்காங்கே ஒரு சில இடங்களில் கொடுக்கலாம். கடலோர மாவட்டங்கள் டெல்டா மாவட்டங்கள் தென் மாவட்டங்களில் பரவலான  கன மழை வாய்ப்பு உள்ளது. மேற்கு தொடர்ச்சி மலை மாவட்டங்கள் மற்றும் உள் மாவட்டங்களிலும் நல்ல மழை தெரிகிறது.

மழை இடைவெளி 

ஜனவரி21,22, 23 24 25 26 ,27 ஆகிய தேதிகள் மழைக்கு இடைவெளி வாய்ப்புள்ளது இந்த இடைவெளியை பயன்படுத்தி திட்டமிட்ட அறுவடை செய்திடுக. 
.

அதற்கு அடுத்த நிகழ்வு: 

ஜனவரி இறுதி அதாவது ஜனவரி 29 30 தேதிகளில்  மேலும் ஒரு நிகழ்வு தமிழக கடலோர மாவட்டங்கள் தென் மாவட்டங்கள் மழை தர வாய்ப்புள்ளது. அது எந்த அளவிற்கு முன்னேறி மழை பொழிவை கொடுக்கும் என்பது தொடர்ந்து ஆய்வில் உள்ளது.
இப்படி பிப்ரவரி 15 வரை நிகழ்வுகளும் இடைவெளிகளும் மாறி மாறி தெரிகிறது.

இடைவெளி அறிந்து அறுவடை செய்யவும், விற்பனைக்கு வைக்க உள்ள தானியங்களை மேடான பகுதிகளில் நீர் புகாதவாறு வைத்து மூடி பாதுகாத்து விற்பனை செய்ய கேட்டுக்கொள்கிறேன்.

வானிலை அமைப்புகள்: 
வலுவான கடல் வெப்ப நீரோட்டம், தொடர்ந்து கடல் வெப்ப உயர்வு, நெகட்டிவ் மற்றும் நடுநிலை IOD க்கு சாதகம்,லா நினா அமைப்பு,MJO அமைவுகள் அனைத்தும் கோடை மழை, மற்றும் இருவேறு பருவ மழைகள்  அனைத்தும் சராசரிக்க கூடுதல் அமையவே சாதகங்கள் தெரிகிறது. 

கோடை மழை 2025: 
இந்த ஆண்டு பிப்ரவரி மார்ச் மாதங்களில் அவ்வப்பொழுது காற்று சுழற்சி காரணமாக லேசான மிதமான மழை பொழிவுகள் இருக்கும். 

ஏப்ரல் மே மாதங்களில் சராசரி வெயிலும் மாதத்திற்கு தலா ஒரு வலுவான நிகழ்வு மழை பொழிவை தருவதற்கு ஜாதகம் தெரிகிறது 
இந்த ஆண்டு கோடையில் வெயில் அனலை விட புழுக்கம் வியர்வை கோடை மழை கூடுதல் தெரிகிறது. 
தென்மேற்கு பருவமழை 2025: 
இந்த ஆண்டு கோடை மழை கூடுதல் கொடுத்தாலும் அரபிக்கடல் வெப்ப உயர்வு அரபிக்கடல் வெப்ப நீரோட்டம் வலிமை காரணமாக தென்மேற்கு பருவமழை முன்கூட்டியே தொடங்கி ஜூன் ஜூலை ஆகஸ்ட் செப்டம்பர் மாதங்களில் கேரளா உள்ளிட்ட அனைத்து மாநிலங்களிலும் தென்மேற்கு பருவமழை சராசரிக்க கூடுதலாக கொடுக்கும்.
தென்மேற்கு பருவமழை விவசாயத்துக்கு ஏற்ற மழையாக அனைத்து மாநிலங்களிலும் பொழியும் அதே வேளையில் பல மாநிலங்களில் பாதிக்கும் மழை பொழிவை கொடுக்கும். தென்மேற்கு பருவ மழை பற்றாக்குறையாக அமைய வாய்ப்பு இல்லை.
மேட்டூர் உள்ளிட்ட அனைத்து அணைகளும் நிரம்பி உள்ள காரணத்தால் அணைகள் முன்கூட்டியே திறப்பதற்கு வாய்ப்பு தெளிவாக தென்படுகிறது. 

வடகிழக்கு பருவமழை 2025; 
இந்த ஆண்டு வடகிழக்கு பருவமழை கண்டிப்பாக வலுவான நிகழ்வுகளால் நிறைய மழை  தர வாய்ப்புள்ளது. சிறு நிகழவும் வலுவான மழை தரும். குறைந்த நேரத்தில் அதிகம் மழை பொழிவும். குறிப்பிட்ட இடத்தில் குறைந்த நேரத்தில் அதிக மழை தர வாய்ப்புள்ளது. 2025 மழை பொழிவிற்கு பற்றாக்குறை இருக்க வாய்ப்பு இல்லை , சராசரிக்கு கூடுதல் வடகிழக்கு பருவமழை தெரிகிறது.
ந.செல்வகுமார்
16.1.2025 - 4.30AM 
வெளியீடு.

Post a Comment

0Comments
Post a Comment (0)

Search This Blog